I skiferbruddet Hedleberget på Voss står denne gamle travaren av ein gravemaskin. Det er ein norskprodusert klassikar, laga av industrieventyret Brødrene Søyland a/s på Bryne. Denne modellen heiter Brøyt X2B, og vart produsert i 1688 eksemplar frå 1969-74.

Maskina er framleis i bruk. Skiferbrotet er no utvikla som ein turistattraksjon, vel verdt eit besøk. I byrjinga av 1900-talet var Hedleberget på Kyte den største arbeidsstaden i Voss herad. Skiferindustrien på Voss sysselsette på det meste 400 mann.

Funfact: Hjula som vart brukt på dei første X-brøytene, var utrangerte flyhjul frå Braathens Safe. Utruleg kva ein kan finna ut om ein berre grev litt :)